La liga. «Selta» «Barselona»ni ochkolardan mahrum qildi!

Ispaniya chempionatining joriy mavsumi tobora "Real"ning chempionligi sari qadam ketayotgandek. La liganing restartidan keyin ajoyib seriya o'tkazayotgan «Selta» o'z uyida "Barselona"dan ochko tortib oldi.

Uchrashuv davomida har ikkala jamoa ko'p xavfli vaziyatlar yaratishdi. Birinchi bo'limda kataloniyaliklardan ulardan birini golga aylantirishdi.  Messi barchani aldadi va jarimadan darvoza tomon zarba bermasdan, aksincha qulay vaziyatda turgan Suaresga uzatma berdi. Urugvaylik futbolchi bosh bilan 4 metrdan darvozani zabt etdi.

Ikkinchi bo'lim boshida esa "Selta" hisobni tenglashtirdi. Mezbonlar maydon markazida to'pni olib qo'yib, ajoyib qarshi hujum tashkil qilishdi va bundan unumli foydalanishdi. Jamoadoshidan uzatma qabul qilgan Fyodor Smolov bo'sh darvozani ishg'ol qildi.

Bahsning 67-daqiqasiga kelib Seten shogirdlari yana oldinga o'tib olishdi. Kataloniyaliklar hujum qilayotgan paytda to'pni yo'qotishgandi, ammo ular himoyachilardan to'pni qayta olib qo'yib, vaziyatni gol bilan yakunlashdi. Messining uzatmasidan keyin Suares ham qiyin vaziyatda bo'lishiga qaramay aniq zarba berdi.

Uchrashuv tugashiga 2 daqiqa qolganidan esa Yago Aspas darvoza tomon 20 metrlar masofadan belgilangan jarima zarbasini ajoyib tarzda golga aylantira olmadi. Buni kutmagan ter Shtegen hech narsa qila olmadi.

"Selta" qo'shib berilgan daqiqalarda g'alabani ilib ketishi ham mumkin edi. Ammo Nolitoning yaqin masofadan bergan zarbasini Ter Shtegen qaytarishga muvaffaq bo'ldi.

Shu tariqa, "Barselona" muhim ochkolardan mahrum bo'ldi.

Ispaniya La ligasi, 32-tur
Selta – Barselona 2:2 (0:1, 2:1)
Gollar: 0:1 – 20 Suares, 1:1 – 50 Smolov, 1:2 – 67 Suares, 2:2 – 88 Aspas.
Selta – Ruben Blanko, Arauxo (Murilo, 73), Aydu, Saens, Vaskes, Denis Suares, Mendes (Bradarich, 60), Xakobo Gonsales (Santi Mina, 81), Yokushlu (Rafinya, 60), Smolov (Nolito, 60), Aspas.
Barselona – ter Stegen, Alba (Firpo, 81), Pike, Umtiti, Semedu, Vidal, Puch (Artur, 86), Rakitich, Fati (Breytueyt, 69), Messi, Suares (Grizmann, 81).
Ogohlantirishlar: Alba (12), Mendes (34), Umtiti (53), Arauxo (61), Breytueyt (82), Aspas (89), Pike (90).