«Inter» himoyachisi 3ta o'yinga, Konte esa 1ta o'yinga diskvalifikatsiya qilindi
/ Kiritdi: BestMaster Ko'rilgan: 401
«Inter» himoyachisi Milan Shkrinyar A seriyaning 3ta o'yiniga diskvalifikatsiya qilindi. Bu haqda musobaqa matbuot xizmati xabar tarqatdi.
Futbolchi Italiya chempionatining 27-turi doirasida «Sassuolo»ga qarshi bo'lib o'tgan o'yinda (3:3) ikkinchi sariq kartochkani olib maydonni tark etganidan so'ng, bosh hakamni haqorat qildi. Shu tariqa, Shkrinyar qizil kartochka uchun bitta o'yinga, hakamni haqorat qilgani uchun 2ta o'yinga diskvalifikatsiya qilindi. Bundan tashqari, futbolchi 10 ming evro miqdorida jarimaga tortildi. Shkrinyar «Parma», «Breshiya» va «Bolonya»ga qarshi uchrashuvlarini o'tkazib yuboradi.
Bundan tashqari, «Inter» bosh murabbiyi Antonio Konte «Sassuolo»ga qarshi o'yin davomida sariq kartochka oldi. Mazkur ogohlantirish italiyalik mutaxassis uchun beshinchisi bo'ldi. Shuning uchun u 28 iyun kuni «Parma»ga qarshi bo'ladigan o'yinni o'tkazib yuboradi.
«Inter» Italiya chempionatining ushbu mavsumida 58 ochko bilan 3-o'rinni egallab turibdi.