Eng kuchli shpagachi jamoalar ma'lum

Qilichbozlik bo'yicha poytaxtimizda davom etayotgan yoshlar o'rtasidagi O'zbekiston chempionatining 2-kunida shpagachilar jamoaviy hisobda g'olib va sovrindorlarni aniqlab olishdi. O'g'il bolalar bahsida Andijon ixtisoslashgan olimpiya zaxiralari maktab-internati tarbiyalanuvchilari shohsupaning yuqori pog'onasiga ko'tarilishdi. Ular finalda Buxoro vakillarini mag'lub etishdi. 3-o'rin Andijon jamoasi vakillariga nasib etdi.

Qizlar o'rtasida kechgan bahslar natijasiga ko'ra, Toshkent shahri jamoasi 1-o'rinni egalladi. Buxoroliklar kumush, Navoiy viloyati shpagachi qizlari esa bronza medallarga sazovor bo'lishdi.