Jizzax va Sirdaryo viloyati bolalar-o'smirlar futbol akademiyalarida nazorat imtihonlari boshlandi

O'zbekiston futbol assotsiatsiyasi huzuridagi hududiy bolalar-o'smirlar futbol akademiyalari tarbiyalanuvchilarining jismoniy va maxsus tayyorgarligini o'rganish bo'yicha navbatdagi joriy nazorat imtihonlar davom etmoqda.   Imtihonlar 2019 yilning yanvar-fevral oylari davomida Respublikamizdagi barcha hududiy bolalar-o'smirlar futbol akademiyalarida o'tkazilishi haqida avval xabar berib o'tgan edik.   O'zbekiston futbol assotsiatsiyasining yillik joriy nazorat imtihonlar taqvimiga asosan, 24 yanvardan boshlab Jizzax va Sirdaryo viloyati bolalar-o'smirlar akademiyasi tarbiyalanuvchilarining jismoniy va maxsus tayyorgarligi nazoratdan o'tkazilmoqda.   Qoraqalpog'iston Respublikasi, Farg'ona, Buxoro, Samarqand, Qashqadaryo, Xorazm, Surxondaryo, Navoiy viloyat bolalar-o'smirlar futbol akademiyalarida joriy nazorat imtihonlar o'z yakuniga etganini ham alohida ta'kidlab o'tish kerak.