Sarri «Yuventus»ning «Bolonya»ga qarshi o'yinidan qoniqish hosil qilmadi

«Yuventus» bosh murabbiyi Mauritsio Sarri Italiya chempionatining 27-turi doirasida bo'lib o'tgan «Bolonya»ga qarshi o'yin (2:0) borasida o'z fikrini bildirib o'tdi.

«Jismoniy tomonlama holatimiz yaxshilanmoqda. Bugun jamoa 70 daqiqa davomida yaxshi tempda harakat qildi. Italiya kubogida tayyorgarligimiz 30 daqiqaga etgandi.

Yanada yirikroq hisobda yutishimiz mumkin edi, ammo ikkinchi bo'limda himoyalanishimizga to'g'ri keldi. Bu taktik qaror emas, bu futbolchilarning butun o'yin uchun energiya etishmayotgani bilan bog'liq.

Bizni ko'p tanqid qilishdi, ammo biz jismoniy holatimizni tiklab boryapmiz», - dedi Sarri.