Azar: "Sarrining tanqidi? Menga baribir, men shunchaki o'z futbolimni o'ynayman"

"Chelsi" yarimhimoyachisi Eden Azar Angliya liga Kubogi yarimfinalida "Tottenhem" ustidan qozonilgan g'alabadan so'ng (2:1, penaltilar bo'yicha - 4:2) fikrlarini bildirdi.

"Qiyin o'yindan so'ng qaytish har doim yaxshi. Biz 90 daqiqa yaxshi harakat qildik, birinchi bo'limda o'yinni nazorat qildik. Ularda bir vaziyat bo'ldi, ammo bundan foydalandilar. Biroq finalga biz chiqdik, shuning uchun baxtiyormiz.

"Siti" bilan "Liverpul" - liganing eng yaxshi jamoalari. Ular ko'plab sovrinlarni yutganlar, ammo bizda ham ajoyib jamoa bor.

Sarrining tanqidi? Menga baribir, men shunchaki, o'z futbolimni o'ynayman. Murabbiy nima deganining ahamiyati yo'q. Shunchaki, diqqatimni o'yinga qarataman va jamoam uchun hamma narsa qilaman", - deydi Azar.

"Chelsi" 24 fevral kuni Angliya liga Kubogi finalida "Manchester Siti" bilan o'ynaydi.