Diyor Mirzaboev: «Vaziyatni mehnat orqali to'g'rilaymiz»

Superliganing 5-turi doirasida bo'lib o'tgan "Andijon" - "Metallurg" uchrashuvidan so'ng mezbonlar murabbiyi Diyor Mirzaboev o'z fikrlari bilan o'rtoqlashdi.

— Hozir har qanday fikrim bahonaga o'xshashi mumkin. Barcha aybni darvozabonga ag'darmagan bo'lardim. Xabaringiz bor, jamoamizga yangi murabbiy kelgan. Yangi murabbiy o'z falsafasini yigitlarga etkazishi uchun vaqt talab qilinyapti.

— Jamoaning vaziyati og'irlashmoqda, bu vaziyatdan chiqib keta olasizlarmi?
— Mehnat qilib bu vaziyatdan chiqamiz, jamoamizda Oliy liga futbolchilari o'ynamoqda. Vaziyatni to'g'rilaymiz.

— Yangi futbolchilar olinadimi?
— Ko'z ostimizga olib qo'ygan futbolchilar bor, shularni o'z safimizga qo'shib olishga harakat qilamiz. Bu transferlar ustida ishlaymiz.

— "Andijon" qachon g'alaba qozonadi deb o'ylaysiz?
— Har bir uchrashuvda g'alaba uchun maydonga chiqishni niyat qilamiz, lekin niyatning o'zi kamlik qiladi. Ishlashimiz kerak, faqat mehnat talab qilinadi. Vaqti kelib Viktor Kumikovning imzosi bilinadi. Hozir uning falsafasi ostida ishlayapmiz.

Manba: https://t.me/fcandijan