Vinisius golli uzatmalar bo'yicha Ispaniyada uchinchi bo'lib oldi

"Real" yarimhimoyachisi Vinisius "Jirona"ga qarshi Ispaniya kubogi 1/4 finalining birinchi o'yinida golga  to'p oshirdi.

Bu 18 yoshli braziliyalikning ushbu musobaqadagi beshinchi va ushbu mavsumdagi sakkizinchi golli uzatmasi bo'ldi.

Luis Suares ("Barselona"), Antuan Grizmann ("Atletiko") va Pablo Sarabiya («Sevilya») kabi futbolchilar ham joriy mavsumda 8 tadan assist bajarishgan.

Golli uzatmalar bo'yicha La liga futbolchilari orasida Lionel Messi etakchilik qilmoqda - 13. Xordi Alba (ikkisi - "Barselona") 10 ta golga to'p oshirgan.