7-tur doirasidagi "Andijon"-"Bunyodkor" uchrashuvi qaerda o'tkaziladi?

Xabaringiz bor, shu yilning oktyabr oyida O'zbekistonda o'tkaziladigan U-19 yoshlar o'rtasidagi Osiyo chempionati final o'yinlariga Toshkent, Toshkent viloyati va Namangan shahridagi stadionlar mezbonlik qiladi.

Shu sababli, O'zbekiston Professional Futbol Ligasi sayti orqali 7-tur doirasida Andijon shahrida bo'lib o'tishi kerak bo'lgan "Andijon" - "Bunyodkor" bahsi Toshkentga, 20-tur doirasida bo'lib o'tishi kerak bo'lgan “Bunyodkor” – “Andijon” uchrashuvi Andijon shahriga ko'chirilgandi.

Ishonchli manbalarimizning tarqatgan ma'lumotiga qaraganda, ushbu "rokirovka" amalga olmaydigan bo'ldi va 7-tur doirasida "Andijon" "Bunyodkor" jamoasini "Sog'lom Avlod" stadionida qabul qiladigan bo'ldi.

Ushbu holat yuzasidan O'zbekiston Professional Futbol Ligasining rasmiy qarorini kutamiz.