Tyago Silva va Kavani EChL yakunigacha «PSJ»da qoladigan bo'lishdi
/ Kiritdi: BestMaster Ko'rilgan: 309
Himoyachi Tyago Silva va hujumchi Edinson Kavani «PSJ» bilan tuzilgan shartnoma yakunlanidan keyin ham ma'lum vaqtgacha klubda qolishga rozi bo'lishdi.
"Sky Italia" tarqatgan xabarga ko'ra, futbolchilar Chempionlar ligasining chorak finali, Frantsiya kubogi va Liga kubogining final o'yinlarida parijliklarga yordam berishga qaror qilishdi.
«PSJ» sport direktori Leonardo bundan bir hafta ilgari 35 yoshli Tyago Silva va 33 yoshli Kavani mavsum so'ngida jamoani tark etishini ma'lum qilgan edi. Shu bilan birgalikda, klub avgust oyiga qadar ularni jamoada olib qolishga umid bildirgan edi.
Chempionlar ligasining qolgan qismi Lissabondagi «Da Lush» va «Joze Alvalade» stadionlarida o'tkaziladi. «PSJ» chorak final yo'llanmasini qo'lga kiritgan.
Parijliklar Frantsiya kubogi finalida «Sent-Eten», Liga kubogi finalida «Lion» bilan to'qnash kelishadi.