Superliga. «Paxtakor» «Bunyodkor»ni tor-mor keltirdi

O'zbekiston Superligasi 5-turidan o'rin olgan "Paxtakor" hamda "Bunyodkor" o'rtasidagi derbi nihoyasiga etdi. Mazkur o'yinda maydon egalari yirik 5:0 hisobida g'alaba qozondi.

Uchrashuvning birinchi daqiqasidayoq "sherlar" hisobni ochishga erishdi. Dragan Cheranning uzatmasidan so'ng Sardor Sobirxo'jaev hisobni ochdi. Goldan so'ng Abramov shogirdlari o'yin tizgini o'z qo'llariga olishga urinishdi, biroq birinchi bo'lim oxirladi "nokdaun"ga uchrashdi.

O'yinning 40-daqiqasida Dragan hisobni 2:0ga oshirdi. Oradan ikki daqiqa o'tib, yana Cheran o'z nomini tabloga yozdirib qo'ydi. Birinchi bo'limning so'nggi daqiqasida "sher"larning yana bir legioneri Eren Derdiyo'q ham gol urishga erishdi.

Ikkinchi bo'limni "qaldirg'ochlar" faol boshlashdi, biroq bu tablodagi hisobni o'zgartirishga etarli bo'lmadi. Aksincha, 62-daqiqada Masharipovning uzatmasini "qaldirg'ochlar" futbolchisi Lutfilla Turaev o'z darvozasiga burib qo'ydi. 

O'yinning qolgan qismida hisob o'zgarmadi. Shu tariqa, "Paxtakor" poytaxt derbisida yirik 5:0 hisobida g'alaba qozondi. 

SUPERLIGA. 5-TUR
«PAXTAKOR» – «BUNYoDKOR» - 5:0
Gollar: Sardor Sobirxo'jaev, 1 - 1:0. Dragan Cheran, 40 - 2:0. Dragan Cheran, 42 - 3:0. Eren Derdiyok, 44 - 4:0. Lutfulla To'raev, 62-o'z darvozasiga - 5:0.
Ogohlantirishlar: Jaloliddin Masharipov (13) — Farrux Ikromov (61')
«Paxtakor»: Eldorbek Suyunov, Hojiakbar Alijonov (Alisher Salimov 64), Sherzod A'zamov, Egor Krimets (Anzur Ismoilov 64), Farrux Sayfiev, Odil Hamrobekov, Sardor Sobirxo'jaev (Asad Sobirjonov 81), Doston Hamdamov (Humoyunmirzo Iminov 81), Dragan Cheran, Jaloliddin Masharipov, Eren Derdiyo'q (Igor Sergeev 64)
«Bunyodkor»: Abdumavlon Abduljalilov, Islomjon Qobilov, Anvar G'ofurov (Muhammadodil Qahramonov 76), Dilshodbek Ahmadaliev (Abdulla Abdullaev 42), Jasurbek Jaloliddinov (Shahboz Erkinov 76), Rasul Yo'ldoshev, Lutfulla To'raev (Suhrob Izzatov 76), Sanjar Qodirqulov, Nurillo To'xtasinov, Selim Nurmuradov (Farrux Ikromov 31), Humoyun Murtazoev.