«Qizilqum» Qo'qondagi o'yinning so'nggi daqiqalarida 3ta to'p o'tkazdi

Bugun Qo'qondagi “Markaziy” stadionda Coca Cola superligasining 5-turidan o'rin olgan "Qo'qon-1912" - "Qizilqum" jamolari o'rtasidagi uchrashuvi bo'lib o'tdi. O'yindan oldin yurtimizdagi sanitariya-gigiena qoidalariga muvofiq Qo'qondagi "Markaziy" stadioni hamda barcha inventarlar  to'liq dezinfektsiya qilindi.

Uchrashuv futbolchilarimizning faolligi bilan boshlanganiga qaramay, birinchi bo'limda hisobni ochish hech kimga nasib etmadi. Bugungi uchrashuvda Baxtiyor Ashurmatov o'tgan o'yinga nisabtan tarkibda o'zgarishlarga qo'l urgan. Darvozani Botirali Ergashevga ishonib topshirdi.

12-daqiqada himoyachilarmizining maydon markazidagi qo'pol xatosidan keyin Doniyor Usmonov mezbonlar darvozasini nishonga olishga urindi. To'p darvoza ustuni oldidan o'tib ketdi... Oradan bir daqiqa o'tib Murod Xolmuhammedovning jarimadan uzatib bergan to'pini Rayevats raqib darvozaga yo'llashga harakat qildi. Ushbu vaziyatda raqib posboni to'pni egallab oldi.

23-daqiqada futbolchilarimizda yaxshi imkoniyat yuzaga keldi. Otabek Haydarovning yaqin masofadan yo'llagan zarbasiga raqib himoyachisi to'g'anoq bo'ldi. 36-daqiqada mezbonlar yana bir xavfli hujum tashkil etishdi. Bu safar Filip Rayevatsning jarima maydonchasiga kirar-kirmas yo'llagan kuchli zarbasi noaniq chiqdi.
44-daqiqada Otabek Haydarov juda qulay imkoniyatdan foydalana olmadi. Uning zarbasini Makosin mahorat ko'rsatib qaytarib qoldi. Tanaffusga jamoalar nursiz durang bilan chiqib ketishdi.

Ikkinchi bo'limni ham "Qo'qon-1912" futbolchilari faol tarzda boshlashdi. 62-daqiqada ular hisobni ochishga muvaffaq bo'lishdi. Jarimadan uzatilgan to'pni Otabek Haydarov darvozaga to'g'irlab qo'ydi.

66-daqiqada Abduhamidov qulay imkoniyatdan foydalana olmadi. Jarima maydonchasi ichida raqib himoyachisi undan biroz ildamroq harakat qildi. 77-daqiqada Suhrob Berdievning zarbasi raqib futbolchisiga tegib maydonni tark etdi.

87-daqiqada navoiyliklar jarima maydonchasi ichida Abduhamidovni qo'pollik bilan to'xtatib qolishdi. Bosh hakam penalti belgiladi. Murod Xolmuhammedov penaltini aniq amalga oshirdi.

89-daqiqada qo'qonliklar hisobni yirik ko'rinishga olib kelishdi. Aleksandr Merzlyakovning erlatib yo'llagan zarbasi darvoza to'riga borib tushdi. Hakam tomonidan qo'shib berilgan daqiqalarda Sobit Sindarovning uzoq masofadan yo'llagan kuchli zarbasi darvozaning to'qqizligiga borib tushdi. Shu tariqa, "Qo'qon-1912" yirik g'alabani qo'lga kiritdi.

Coca Cola superligasi, 5-tur
"Qo'qon-1912" - "Qizilqum" - 4:0 (0:0)
Gollar: Otabek Haydarov (62), Murod Holmuhammedov (87-pen), Aleksandr Merzlyakov (89), Sobit Sindarov (90+3).
“Qo'qon-1912”: 1. Botirali Ergashev, 3. Boburjon Akbarov, 9. Suhrob Berdiev (22. Muhammadanas Hasanov- 90), 10. Quvondiq Ro'ziev (99. Bek Abdullaev-90), 11. Otabek Haydarov (20. Iqboljon Malikjonov -74), 13. Sardorbek Azimov (4. Sobit Sindarov-46), 15. Oybek Rustamov, 23. Aleksandr Merzlyakov, 33. Ivan Yosovich, 69. Filip Rayevats (19. Xamidillo Abduxamidov-46), 70. Murod Holmuhammedov.
“Qizilqum”: 22. Artyom Makosin, 8. Ruslan Margiev, 10. Alisher Sanoev, 11. Qadamboy Nurmetov (5. Abdi Beshimov-65), 14. Fayzulla Qambarov, 17.Salim Mustafoev, 23. Sherali Jo'raev (Sunnatilla Abdullajonov-85), 25. Azizbek Usmonov (Vezirgeldi Ilyasov-85), 29. Makkartni Naveseb , 75. Oleg Tolmasov, 94. Doniyor Usmonov (99. Doston Ibragimov-65).
Bosh xakam: Vadim Agishev, Rishat Nugmonov, Hasan Nabiev, Akmal Rahimov.
Nazoratchi: Baxtiyor Tog'aev.
Komissar: Jahongir Rahmatullaev.