Zidan: «Barselona» «Sevilya» bilan o'yinda ochko yo'qotmasa kerak»

«Real» bosh murabbiyi Zayniddin Zidan La liganing 29-turi doirasida bo'lib o'tgan «Valensiya»ga qarshi o'yin (3:0) borasida o'z fikrini bildirib o'tdi.

"Barcha o'yinlar murakkab. «Valensiya» uchrashuvning dastlabki bir soatini juda yaxshi o'tkazdi. Vaziyatdan chiqib keta olganimizdan xursandman. Haqli ravishda 3 ochkoni qo'lga kiritdik. Biz o'yinga bor e'tiborimizni qaratganimizda, bizni mag'lub etish qiyin bo'ladi.

Biz faqat o'z o'yinimizga tayanamiz. Raqiblar nima qilayotgani haqida o'ylamayman. «Barselona»ning «Sevilya»ga qarshi o'yinini tomosha qilmayman. Lekin kataloniyaliklar ochko yo'qotishadi, deb o'ylamayman", — dedi Zidan.