Benzema «Real» to'purarlari ro'yxatida 5-o'ringa ko'tarildi

«Real» hujumchisi Karim Benzema Ispaniya chempionatining 29-turi doirasida «Valensiya»ga qarshi bo'lib o'tgan o'yinda 2ta gol urdi.

Shu tariqa, frantsiyalik futbolchi "Madrid" safidagi gollari sonini 243taga etkazdi. Benzema klub tarixidagi to'purarlar ro'yxatida Ferents Pushkash (242)ni ortda qoldirib, 5-o'riniga ko'tarilib oldi.

«Real» tarixidagi eng yaxshi to'purar Krishtianu Ronaldu hisoblanadi — 450 gol. Undan keyingi pog'onalarni Raul (323), Alfredo Di Stefano (308) va Santilyana (289) egallab turishibdi.