«Real» o'yinchilarining futbolkalari auktsionda sotildi — eng qimmati Modrichniki

AQShda tashkil etilgan auktsionda «Real» o'yinchilarining «Eybar»ga qarshi o'yinda kiygan futbolkalari sotuvga qo'yildi.

"Mundo Deportivo" tarqatgan xabarga ko'ra, jamoa yarim himoyachisi Luka Modrich 14 iyun kungi o'yinda foydalangan formasi eng qimmat narxga sotildi — 7 ming evro.

Eden Azarning futbolkasi 3,2 ming evroga narxlangan bo'lsa, Serxio Ramosning formasi uchun 3101 evroga xaridor topildi. Zaxiradan maydonga tushgan Garet Beylning futbolkasi esa 1,5 ming evroga sotildi.

Auktsiondan tushgan mablag' «Real»ning turli loyihalarini qo'llab-quvvatlash uchun sarflanadi. Klub joriy mavsum oxiriga qadar har bir o'yindan keyin o'yinchilarning futbolkalarini auktsionda sotishni rejalashtirmoqda.

Manba: sport24.ru