Dramatik yakun: "Nasaf" – "Navbahor" o'yinida jangovar durang

O'zbekiston Superligasi 4-turidan o'rin olgan "Nasaf" hamda "Navbahor" jamoalari o'rtasidagi o'yin 2:2 hisobida yakunlandi.

Uchrashuv kutilganidek hujumkor boshlandi. O'yinning 5-daqiqasidayoq "lochinlar" futbolchisi Mirzoxid G'ofur hisobni ochishga erishdi. Oradan 3 daqiqa o'tib mezbonlar futbolchisi Umar Eshmurodov penaltidan foydalana olmadi. O'yinning 10-daqiqasida esa bosh hakam "Nasaf" darvozasi tomon penalti belgiladi. Eng qizig'i, 11 metrlik nuqtaga yaqinlashgan Aziz Turg'unboev ham imkoniyatdan foydalana olmadi. Uchrashuvning birinchi bo'limi namanganliklarning g'alabasi bilan yakunlandi.

Ikkinchi bo'limning 66-daqiqasida Bobir Abduholiqov hisobni tenglashtirdi. Oradan 3 daqiqa o'tib, Zabixillo O'rinboev yana "lochinlar"ni oldinga olib chiqdi. 

O'yinning 86-daqiqasida "Nasaf" legioneri Marko Stanoevich hisobni tenglashtirdi va o'yinga nuqta qo'ydi. Shu tariqa, jamoalar 1 ochkodan ishlab olishdi.

Superliga, 4-tur.

«Nasaf» — «Navbahor» - 2:2

Gollar: Bobir Abdixoliqov 66, Marko Stanoevich 87 - Mirzohid G'ofurov 5, Zabihullo O'rinboev 69.

«Nasaf»: 21. Mashhurjon Muhammadjonov, 4. Husniddin Aliqulov, 5. G'olib G'aybullaev (9. Xaris Dilaver, 80), 10. Bobir Abdixoliqov, 14. Sharof Muhitdinov, 15. Jo'rabek Mannonov (6. Murodbek Xo'jamberdiev, 75), 20. Islom Kenjaboev (34. Sherzod Nasrullaev, 46), 22. Akmal Mozgovoy (7. Dilshod Rahmatullaev, 75), 77. Oybek Bozorov, 88. Marko Stanoevich, 92. Umarbek Eshmurodov.

«Navbahor»: 1. O'tkir Yusupov, 7. Azimjon Ahmedov, 9. Ivan Solovyov, 10. Azizbek Turg'unboev (95. Zabihullo O'rinboev, 46), 11. Islombek Isoqjonov (20. Amirbek Jo'raboev, 77), 15. Obid Jo'raboev, 19. Mirzohid G'ofurov, 22. Igor Golban, 27. Islom Rashidxonov, 28. Xurshidbek Muxtorov, 70. Abbosjon G'ulomov.

Amalga oshirilmagan penaltilar: Umar Eshmurodov 8 (darvozabon), Azizbek Turg'unboev 10 (darvozabon).