«MYu» EChL yo'llanmasini qo'lga kiritsa, Sulsher qancha mukofot olishi ma'lum bo'ldi

"Manchester Yunayted" ushbu mavsum so'ngida Angliya chempionati jadvalida kuchli to'rtlikka kirsa, jamoa bosh murabbiyi Ule Gunnar Sulsher yirik miqdorda mukofot oladi.

"The Sun" tarqatgan xabarga ko'ra, klub Evropa chempionlar ligasi yo'llanmasini qo'lga kiritsa, Sulsherga 1 million funt sterling bonus taqdim etiladi.

Angliya premer-ligasi qayta boshlanishi oldidan "MYu" jadvalda 5-o'rinni egallab turibdi. Jamoa 4-o'rindagi "Chelsi"dan 3 ochko ortda qolmoqda. Lekin, agar "Manchester Siti"ning diskvalifikatsiyasi o'z kuchida qolsa, klub EChL yo'llanmasiga ega chiqishi uchun kuchli beshlikka kirishi etarli bo'ladi.

Bundan tashqari, Sulsher jamoasida yana bir qo'shimcha imkoniyat mavjud. Mankunianliklar Evropa ligasida g'olib chiqish orqali Chempionlar ligasi yo'llanmasini qo'lga kiritishlari ham mumkin.