"So'g'diyona" - "Paxtakor". O'zaro uchrashuvlar tarixidan

Ushbu jamoalar chempionat doirasida hozirga qadar 48 bor to'qnash kelgan. Ularning 40 tasida "sherlar" g'alaba qozongan bo'lsa, 4 tadan bellashuvda durang va jizzaxliklarning zafari kuzatilgan. To'plar nisbati 123:38, poytaxtliklar foydasiga.

Jizzaxdagi o'yinlarning 18 tasida "Paxtakor" muvaffaqiyatga erishgan. Uch martadan esa mezbonlarning qo'li baland kelgan va durang natija qayd etilgan. Jizzaxda o'tgan yili kechgan bahsda "Paxtakor" 2:1 hisobida muvaffaqiyatga erishgan. 2013-yil esa 0:0 hisobi bilan tugagan uchrashuvda "So'g'diyona" uydagi oxirgi ochkosini qo'lga kiritgan. Safardagi so'nggi 6 bahsda "Paxtakor" ketma-ket g'alaba qozongan..

"Paxtakor"ning "So'g'diyona" ustidan qozongan eng yirik g'alabasi 6:1 ni tashkil etadi. Jizzaxliklar esa 1992-yilgi mavsum toshkentliklarni 4:1 hisobida mag'lub etgan.

Ushbu qarama-qarshilik soat 18:00 da "Sport" telekanali orqali jonli efirda namoyish etiladi.

Eslatib o'tamiz, mazkur uchrashuv yurtimizda joriy qilingan karantin qoida va me'yorlari sabab muxlislarsiz o'tkaziladi.