Prevyu: Tarozi pallasini kim o'z tomoniga og'diradi?
/ Kiritdi: BestMaster Ko'rilgan: 641
AGMK Superliga restartini Navoiyda "Qizilqum"ga qarshi o'yin orqali davom ettiradi.
AGMK hamda "Qizilqum" jamoalarining o'yinlari tarixiga nazar soladigan bo'lsak, shu paytga qadar ichki chempionatda jami 26 bor to'qnash kelgan bu ikki klubning o'zaro uchrashuvlarida hozircha tenglik. AGMK va "Qizilqum" hisobida 11 tadan g'alaba mavjud va qolgan 4 o'yinda esa g'olib nomi aniqlanmagan. To'plar nisbati esa AGMK foydasiga: 45-39.
Ayni paytda "Qizilqum" 1 ochko bilan turnir jadvalida 12-pog'onani egallab turibdi, AGMK esa 5 ochko bilan 6-o'rinda bormoqda.
E'tiborga molik tarafi, yuzaga kelgan tanaffusda "Qizilqum"da bosh murabbiy almashdi. Hamid Aktamov o'rnini tajribali Tachmurad Agamuradov egalladi. Agamuradov aynan jamoamizga qarshi o'yinda "Qizilqum" rulidagi debyutini o'tkazadi.
"Qizilqum" - AGMK uchrashuvini Ahrol Risqullaev boshqaradi. O'yin Navoiydagi "Yoshlik sport majmuasi"da soat 20:00da boshlanadi.
Uchrashuv karantin talablariga muvofiq tomoshabinlarsiz o'tkaziladi.
Bosh sahifaga
438