CAS «Barselona»ni Ispaniya kubogidan chetlatish talabiga rad javobini berdi

"Levante" klubi "Barselona"ni Ispaniya kubogi musobaqasidan chetlatish masalasida Sport arbitraj sudiga (CAS) murojaat qilgandi. CAS esa ushbu apellyatsiyaga rad javobini berdi.

Xabaringiz bor, "Levante" va "Barselona" jamoalari o'rtasidagi Ispaniya kubogining nimchorak final bosqichi doirasida dastlabki o'yinda kataloniyaliklar Movilyani maydonga tushirishgan. Ushbu futbolchi "Barselona B" safida uchinchi divizion doirasida 5ta sariq kartochka olgan edi. "Levante" esa bu futbolchi Kubok bahsini o'tkazib yuborishi kerak edi, degan da'voni ilgari surdi. Ammo "Levante" ushbu qoidabuzarlik borasida belgilangan vaqtda (48 soat ichida) ariza bermagani uchun Ispaniya futbol federatsiyasi ham ularning da'vosini qanoatlantirmagan edi.

Shu bois, "Barselona" Ispaniya kubogidagi o'z ishtirokini davom ettiradi. Jamoa bugun chorak finalning dastlabki o'yini doirasida "Sevilya"ga qarshi maydonga chiqadi.