"Liverpul" sobiq futbolchisi: «Aftidan, Verner zahira futbolchisiga aylanishni xohlamadi»

Angliyaning «Liverpul» klubi sobiq futbolchisi Jeymi Rednapp Timo Vernerni «Chelsi» klubiga o'tishi mumkinligi haqidagi xabarlarga o'z munosabatini bildirdi.

«Ko'rinishidan, Lempard Vernerni "Chelsi"ga o'tishiga ishontira oldi. Qanday qilib Lempard buni "Chelsi"ning EChLda o'ynashi aniq bo'lmagan muhitda amalga oshirganiga hayronman. O'ylaymanki, Verner «Stemford Bridj»da asosiy tarkibda maydonga tushishni angladi, chunki, Villian va Pedrolarning shartnomalari yakunlanib bormoqda.

Timo – ajoyib futbolchi. Lekin, u hozirda «Liverpul»ning poydevori bo'la olishiga shubha qilaman. Mane, Salax yoki Firminolar o'z joylarini unga bo'shatib beradi deb o'ylamayman. Bu ayni paytdagi eng kuchli hujumkor trio sanaladi.

Aftidan, Verner zahira futbolchisiga aylanishni xohlamadi», — dedi Jeymi Rednapp.