Shuhrat Muhammadiev 1 yildan so'ng yashil maydonga qaytdi!

“Lokomotiv”ning kecha AGMK jamoasiga qarshi o'tkazgan sinov-nazorat o'yinida himoyachi Shuhrat Muhammadiev ham ishtirok etdi.

Qayd etish kerak, Muhammadiev o'tgan yilning 26-may kunida Qarshida “Nasaf” jamoasiga qarshi o'yinning 31-daqiqasida raqib jarima maydonchasi ichida to'p uchun kurashda erga qaltis yiqilishi natijasida, o'ng oyoq kichik boldirining pastki uchdan bir qismi yopiq sinib, joyidan siljishi va ushbu tovonning yarim chiqishi tashxisi bilan jarohat olgandi. Muhammadievning maydonga qaytishi uchun 1 yil-u 10 kun vaqt kerak bo'ldi.

Endi futbolchi ushbu mavsumda barcha o'yinlarda qatnasha oladi.