«Barselona» Fatini 100 million evroga sotishdan bosh tortdi

Sport.es saytining tarqatgan ma'lumotiga qaraganda, Kataloniyaning «Barselona» klubi o'zining yosh futbolchisi Ansu Fatini sotishdan bosh tortdi.

Kataloniyaliklar Fati borasida 100 million evrolik taklif olishdi, biroq, klub prezidenti Xosep Bartomeu muzokara olib borishni rad etdi. Klub koronavirus pandemiyasi tufayli yuzaga kelgan moliyaviy inqirozdan qiyinchilikka duch kelayotgan bo'lishiga qaramay, Fatini o'z tarkibida saqlab qolishga harakat qilishini bildirdi.

Evropaning qaysidir top klubi 17 yoshli futbolchiga shu mablag'ni taklif qildi. Lekin aynan qaysi klub taklif yuborganligi ochiqlanmayapti.