"Turon" mavsumga tayyorgarlik doirasida Superliga klubiga qarshi nazorat bahsi o'tkazadi
/ Kiritdi: BestMaster Ko'rilgan: 569
Xabaringiz bor, O'zPFL tomonidan 30 may kunidan boshlab futbol klublariga karantin talablariga rioya qilgan xolda mashg'ulotlarni boshlashga ruxsat berildi.
Avval xabar berganimizdek, jamoamiz vakillari ham mashg'ulotlarni boshlashgan va tayyorgarlik doirasida bir nechta nazorat-sinov uchrashuvlari tashkil etilishi rejalashtirilgan.
Xususan, vakillarimiz mavsumga tayyorgarlik doirasida Namanganning "Navbahor" jamoasiga qarshi o'rtoqlik uchrashuvida maydonga tushadilar. Mazkur bahs 9 iyun kuni Namangan shahridagi "Markaziy" o'yingohda soat 18:00da boshlanadi.
Eslatib o'tamiz, ushbu uchrashuv sanitariya-gigiena qoidalariga rioya qilingan xolda muxlislar ishtirokisiz tashkil etiladi.
"Turon" futbol klubi matbuot xizmati