Yaxshi xabar. Osiyoda JCh-2022 saralashning 2-bosqichi qolgan o'yinlari o'tadigan muddat aniq bo'ldi

Osiyo futbol konfederatsiyasi Jahon chempionati-2022/Osiyo kubogi-2023 qo'shma saralashining 2-bosqichi doirasida qolgan o'yinlar qachon o'tkazilishiga oydinlik kiritdi.

Saralashning 7 va 8-tur o'yinlari oktyabr oyidagi FIFA kunlarida (8 va 13 oktyabr), 9 va 10-tur bahslari esa noyabr oyidagi FIFA kunlarida (12 va 17 noyabr) o'tkaziladigan bo'ldi.

Bunday taqvim O'zbekiston terma jamoasiga ma'qul kelishi kerak. Boisi, Saudiya Arabistoniga qarshi safardagi uchrashuv jazirama iyun oyida emas, oktyabr oyida bo'lib o'tadi.