«Buxoro» - «Andijon». Jamoalarning qanday rangli formada o'ynashi aniq bo'ldi

Uzoq muddatli tanaffusdan so'ng "Coca Cola" Superligasi o'yinlarini davom ettirish uchun shartli ravishda ruxsat berildi.

Superliganing 4-turida Viktor Kumikov boshchiligidagi "Andijon" jamoasi "Buxoro" jamoasiga qarshi safarda bahs olib boradi.

Buxoro shahridagi stadionda ta'mirlash ishlari olib borilayotganligi sababli, "Buxoro" - "Andijon" jamoalari o'rtasidagi uchrashuv Muborak shahridagi "B. Vafoev" nomli stadionda bo'lib o'tadi.

Ushbu bahsda sevimli andijonliklar oq rangli libosda harakat qilsa, nominal mezbon - "Buxoro" esa ko'k rangli lisobda o'ynaydi.

Eslatib o'tamiz, "Buxoro" - "Andijon" jamoalari o'rtasidagi bahs 15 iyun kuni soat 18:30da muxlislarsiz bo'lib o'tadi. Uchrashuv O'zbekiston Milliy teleradiokompaniyasi orqali to'g'ridan-to'g'ri efirga uzatiladi.