«Liverpul» - «Atletiko» o'yini 41 kishining COVID-19dan vafot etishiga sabab bo'ldi

Evropa chempionlar ligasi nimchorak final bosqichi javob o'yini doirasida bo'lib o'tgan «Liverpul» va «Atletiko» jamoalari o'rtasidagi o'yin yomon oqibatlarga olib kelgani ma'lum qilindi.

"Sunday Times" tarqatgan xabarga ko'ra, o'sha kuni ko'plab insonlar koronavirus yuqtirib olishgan. Keyinchalik esa ularning 41 nafari vafot etgan. Ushbu tadqiqotni "Edge Health" kompaniyasi o'tkazgan. Bemorlar o'yindan 25-35 kun o'tib vafot etishgan.

Ekspertlarning bahosiga ko'ra, mazkur uchrashuv o'tkazilgan kuni Angliyada taxminin 100 000 kishi koronavirusga chalingan bo'lgan bo'lsa, Ispaniyada bu raqam 640 ming bo'lgan.

Eslatib o'tamiz, 11 mart kuni Liverpul shahrida bo'lib o'tgan bahsni 52 000 muxlis stadiondan tomosha qilgan. Madriddan esa 3 ming nafar ishqiboz tashrif buyurgan.