«Borussiya» himoyachisi «Bavariya»ga qarshi o'yin oldidan jarohat oldi

Dortmundning "Borussiya" klubi Germaniya chempionatining 27-turi doirasida safarda "Volfsburg"ni 2:0 hisobida g'alaba qozondi.

"Asalarilar" himoyachisi Mats Xummels mazkur o'yinni boshlang'ich tarkibda boshladi, ammo tanaffusda u zaxiraga olindi. Dortmundliklar sport direktori Mixael Tsork himoyachi nima uchun maydonni tark etganiga izoh berdi.

"Men shifokor bilan gaplashdim. Matsning boldir mushagida muammo yuzaga kelgan. Umid qilaman, u seshanba kuni "Bavariya"ga qarshi o'yinda maydonga tusha oladi", – dedi Mixael Tsork.

"Borussiya" va "Bavariya" o'rtasidagi o'yin 26 may, seshanba kuni bo'lib o'tadi.