Makgregor: "Hayotimni o'rtaga qo'yib qasam ichaman revanshda uni taslim qilaman"

Ikki vazn toifasida UFC sobiq chempioni Konor Makgregor amerikalik bokschi Floyd Meyvezerga qarshi ehtimoliy revansh jangida raqibini mag'lub etishiga ishonchi komil ekanini aytdi.

«Rahmat, Mayk. Shunchaki bilib qo'y, Floydning uslubini bilgan va maktabdagi boks bo'yicha murabbiyim bilan mashg'ulotlardan kelib chiqqan holda, bu boshqotirmaning javobini topdim. Men bo'lib o'tishi muqarrar bo'lgan revansh jangida Floydni kaltaklayman! Hayotimni o'rtaga qo'yib qasam ichaman», — deya yozadi Makgregor.

Eslatib o'tamiz, 2017 yilning avgustida Meyvezer boks qoidalari bo'yicha o'tgan jangda Makgregorni mag'lub etgandi. Avvalroq afsonaviy bokschi Mayk Tayson irlandiyalik sportchining o'sha jangdagi harakatlarini maqtagandi.