Rasman! 2020 yil oxirigacha 5ta almashtirishga ruxsat berildi

Futbol assotsiatsiyalari xalqaro kengashi (IFAB) FIFA tomonidan berilgan 2020 yil oxiriga qadar bitta o'yinda 5ta o'yinchi almashtirish haqidagi taklifni ma'qulladi.

Vaqt cho'zilib ketishining oldini olish maqsadida bitta jamoa o'yin davom etayotgan paytda futbolchi almashtirish uchun bahsni 3 marta to'xtatish huquqiga ega. Jamoalar to'liq 5ta almashtirishdan foydalanish uchun bu ishni bo'limlar oralig'idagi tanaffusda yoki o'yin davomida birdaniga kamida ikkita fubolchi orqali bajarishlari kerak bo'ladi.

Ushbu qoida musobaqa tashkilotchisi tomonidan har bir turnir uchun alohida qabul qilinadi.

Mazkur qoidani 2021 yilda ham davom ettirish maqsadga muvofiqligi keyinchalik IFAB va FIFA tomonidan ko'rib chiqiladi.