Ertaga J.Koreyada mavsum boshlanmoqda: 1-turda Ashurmatov-Iskanderov to'qnashuvi

Ertaga Janubiy Koreyada futbol bo'yicha 2020 yilgi mavsumi start oladi.

Juma kuniga bitta o'yin belgilangan: "Chonbuk Motors" - "Suvon Blyuuings". Qolgan 5ta uchrashuv esa 9 va 10 may kunlari bo'lib o'tadi.

Bahslar tomoshabinlarsiz o'tkaziladi. Qoidalarga ko'ra, maydonga tupurish va o'zaro gaplashish taqiqlanadi. Ushbu qoidabuzarlik uchun o'yinchi ogohlantirish olishi mumkin.

9 may kuni tarkibida Rustam Ashurmatov bo'lgan "Kvangju" klubi o'z maydonida Jamshid Iskanderovning "Seongnam"iga qarshi maydonga tushadi.

Shuningdek, Ikrom Aliboev ("Seul") va Dostonbek Tursunov ("Pusan Ay Park") ilk turda maydonga tushishlari mumkin.

08.05. 15:00. "Chonbuk Motors" - "Suvon Blyuuings"
09.05. 10:00. "Ulsan" - "Sangju Sangmu"
09.05. 12:30. "Inchxon Yunayted" - "Tegu"
09.05. 15:00. "Kvangju" - "Seongnam"
10.05. 10:00. "Poxang Stilers" - "Pusan Ay Park"
10.05. 12:30. "Kanvon" - "Seul"