O'zbekistonning 3 o'yinchisi «Rostov»ning ramziy jamoasidan o'rin oldi

Sports.ru saytidagi "Donskoy pisatel" blogi qiziq ramziy terma jamoani tuzib chiqdi. "Rostov" safida o'ynayotgan paytda o'z terma jamoasi safida ko'p o'yinga tushgan legionerlardan ramziy jamoa tuzildi.

E'tiborli tomoni, ushbu jamoadan 3 nafar o'zbekistonlik futbolchi — Nikolay Shirshov, Andrey Akopyants va Eldor Shomurodov o'rin olishdi. Bloger barcha 11 nafar o'yinchiga izoh berib o'tdi, jumlada, bizning yigitlarga ham.

Nikolay Shirshov, Andrey Akopyants — shubhasiz, o'z vaqtida ham "Rostov", ham O'zbekiston terma jamoasining yulduzli futbolchilari. Har ikki legioner klub sharafini 6 yil davomida himoya qildi. Andrey Akopyants esa hamon klub tizimida ishlamoqda. Ular "Rostov" bilan shartnoma imzolaganidan keyin o'z termalari safida 30dan ortiq o'yinda maydonga tushishgan. Afsuski, ularning aniq statistikasini bilishning imkoni bo'lmadi.

Eldor Shomurodov — hozirda O'zbekiston terma jamoasining asosiy yulduzi. U bir necha marta O'zbekiston termasi tarixidagi eng yaxshi to'purar bo'lish niyati borligini ma'lum qilgan edi. Katta ehtimol bilan u bu marrani zabt etadi. Faqatgina o'tgan yili u o'z mamlakati termasi safida 12ta o'yinda maydonga tushib, 13ta gol urishga muvaffaq bo'ldi. Eldor "Rostov"ga o'tganidan keyin O'zbekiston terma jamoasida 24ta o'yinda maydonga tushdi.