"Inter" futbolchisi "Atletiko"ga qaytishi mumkinmi?

Italiyaning «Inter» klubi himoyachisi Diego Godin butun diqqat-e'tiborini hozirgi jamoasiga qaratganini ma'lum qildi.

«Mening «Atletiko»dagi davrim tugagan, men hayotimdagi bu sahifani yopganman. Men «Inter»da yangi tajriba bilan yashayapman. Bu boshqa tajriba, men o'syapman va yangi narsalarni o'rganyapman. Men futbolchi sifatida «Atletiko» klubiga aniq qaytmayman», - Godinning so'zlaridan iqtibos keltirmoqda todofichajes.com sayti.

Godin joriy mavsum A Seriyada 16 ta uchrashuvda maydonga tushdi.