Berbatov: «Pochettino «Nyukasl»ga yulduzlarni taklif qilishi mumkin»

Angliyaning "Manchester Yunayted" klubi sobiq hujumchisi Dimitar Berbatov «Nyukasl» klubini Maurisio Pochettino boshqarishini xohlayotganini yashirmadi.

«Agar OAV orqali tarqalayotgan xabarlar o'z tasdig'ini topsa va Maurisio Pochettino «Nyukasl» klubi bosh murabbiyi etib tayinlansa, bu klub uchun katta foyda bo'ladi. Bunday tajribali murabbiy jamoani boshqarsa, ko'plab yulduz futbolchilar klubning taklifiga rad javob bera olmaydi.

Meni bilishimcha, «Nyukasl» rahbariyati jamoaga Garet Beylni taklif qilmoqchi. Men ularni boshqa yulduz futbolchilarga ham qiziqish bildirayotganiga shubha qilmayman. Biroq, Pochettinoning bosh murabbiy etib tayinlanishi ularning ustuvor vazifasi bo'lishi kerak», — dedi Dimitar Berbatov.