«Barsa» «Kamp Nou» stadioni nomini sotishga qaror qildi

«Barselona» koronavirusga qarshi kurashga pul topish maqsadida o'zining uy stadioni hisoblangan «Kamp Nou» nomini sotishga qaror qildi.

Klub direktorlar kengashi 2020/21 yilgi mavsum uchun stadion nomi huquqini sotish haqida qarorni tasdiqladi. Endi «Barselona» jamg'armasi homiy qidirish bilan shug'ullanadi.

Ushbu huquqni sotishdan tushadigan mablag' Kataloniyadagi koronavirus pandemiyasi qarshi kurash tadqiqoti uchun yo'naltiriladi.

Shu tariqa, «Barselona» stadionining nomi tarixda ilk marta o'zgaradi.