Harri Maguayr: «Manchester Yunayted» shunchaki chempionlar ligasidagi o'rin uchun emas, balki sovrinlar uchun kurashishni istaydi»

"Manchester Yunayted" himoyachisi Harri Maguayr jamoaning hozirgi holati haqida gapirdi.

"O'ylashimcha, mavsum boshidanoq biz o'zimiz istagan jamoa bo'lishga yaqinlashayotganimizni ko'rishingiz mumkin. Men "Manchester Yunayted"ga o'tganimda, Sulsher menga oldinda jamoani shakllantirish jarayoni uzoq davom etishini aytdi, ammo natijada biz o'zimiz xohlagan joyda bo'lishimiz mumkin. Sulsher jamoaga qanday uslubni jalb qilishni xohlayotganini ko'ryapman.

Meni noto'g'ri tushunmang, kerakli cho'qqiga erishish uchun yaxshilashimiz kerak bo'lgan ko'p jihatlar mavjud. Biz shunchaki Chempionlar Ligasidagi o'rin uchun emas, sovrinlar uchun kurashmoqchimiz.

Hali ham olg'a siljishimiz kerakligini bilamiz, biz to'g'ri yo'ldan ketyapmiz. Ishonchim komilki, oxir-oqibat "Manchester Yunayted" cho'qqida bo'ladi "- dedi Maguayr.