A Seriya klubi yaqin vaqtlar ichida mashg'ulotlarni boshlab yubormoqchi

Italiyaning «Latsio» klubi prezidenti Klaudio Lotito jamoa Formellodagi qarorgohida mashg'ulotlarni boshlamoqchi ekanligini bildirdi.

«Futbolchilarimiz sanitariya qoidalari rioya qilgan holda mashg'ulot markazimizda mashg'ulotlarni boshlaydi. Shu bilan birga muntazam ravishda tibbiy tekshiruvlardan o'tib turishadi. Mamlakat qarorini hurmat qilgan holda, mashg'ulotlarni to'xtatgan birinchi jamoa biz edik. Bizning qarorgohimiz Italiyadagi eng zo'r qarorgohlardan biri sanaladi. Shifokorlarimiz har kuni koronavirusga chalinganlarga yordam berish uchun shifoxonalarda ishlashmoqda va ularning hech qaysi biri bu kasallikni yuqtirib olgani yo'q. «Latsio» qabul qilingan qarorlarni hurmat qiladi, lekin, futbolchilar mashg'ulot olib bormasin degan hech qanday ko'rsatma yo'q», — Lotitoning so'zlaridan iqtibos keltirmoqda Football Italia.