Koronavirus: "Liverpul" "Atletiko" muxlislarining pullarini qaytarmadi

"Atletiko" "Liverpul"ga qarshi Chempionlar ligasi 1/8 finalining ikkinchi uchrashuvi uchun Angliyaga tashrif buyurmagan 290 ta muxlisiga chipta narxini to'ladi, deb xabar beradi AS.

"Enfild" mehmonlari sektoriga chiptalarni sotishdan daromad olgan "Liverpul" koronavirus tufayli Angliyaga kelishdan bosh tortgan madridlik muxlislarga pulni qaytarib bermadi. Natijada "Atletiko"ning o'zi muxlislarga 17 ming evro to'lab berdi.

Eslatib o'tamiz, "Liverpul" - "Atletiko" (2:3) uchrashuvi 11 mart kuni bo'lib o'tgandi. Shu kuni JSST global koronavirus pandemiyasini e'lon qildi.