Ana xolos! "MYu" afsonasi "Liverpul"ning chempion bo'lishiga qarshi chiqmoqda

"Manchester Yunayted"ning sobiq darvozaboni Piter Shmeyxelning so'zlariga ko'ra, agar koronavirus pandemiyasi sababli mavsum tiklanmasa, "Liverpul" Angliya Premer-ligasi chempioni deb tan olinmasligi kerak.

"Shubhasiz, "Liverpul" chempionlikka loyiq, ammo ular buni oxirigacha uddalashlari kerak. "Liverpul" chempionmi, marhamat, buni rasmiylashtirsin. Ularning o'rnida kimdir bunday chempion bo'lishni xohlaganmi? Agar men ularning jamoasida o'ynaganimda, bunga aslo rozi bo'lmasdim.

Daniya terma jamoasi bilan 1992 yilda Evropa chempionligini qo'lga kiritdik. Bu mening faoliyatimdagi asosiy yutuqlarimdan biridir. Bu vaziyat hozirgi vaziyatga o'xshash edi. Biz saralash orqali Evroga chiqa olmadik, ammo Yugoslaviyadagi urush tufayli o'ynay oldik. Ammo biz chempion bo'lish uchun maydonga chiqdik", – deya Shmeyxelning so'zlarini keltiradi "Mirror".