A seriya klublari bir ovozdan maoshlarni qisqartirishni ma'qullashdi

A seriya koronavirus pandemiyasi tufayli yuzaga kelgan moliyaviy inqiroz yuzasidan rasmiy bayonot bilan chiqdi. Italiya yuqori dizioni klublari dushanba kuni o'tkazilgan konferentsiya paytida futbolchilarning maoshlarini kamaytirishga rozi bo'lishdi. Ushbu qaror bir ovozdan qabul qilindi.

Mavsum erta yakunlanib, o'yinchilar ishsiz qolishsa, maoshlar 1/3ga, chempionatni oxiriga etkazib qo'yishning imkoni bo'lsa, 1/6 qismga qisqartiriladi.

Muhokamada 19ta klub ishtirok etdi. «Yuventus» esa avvalroq maoshlarni qisqartirgani haqida birinchi bo'lib e'lon qilgan edi.