"Napoli" "Torino"ga hujumchi almashish taklifini bildirdi

“Napoli” “Torino” hujumchisi Andrea Belottini o'z safiga qo'shib olishga tayyor. Bu haqda Italiya OAV xabar tarqatdi.

Manbaning xabariga ko'ra, neapolliklar Belotti uchun o'z hujumchisi Andrea Petanyani berishga tayyor. Petanya joriy mavsumni SPALda ijarada o'tkazmoqda.

Eslatib o'tamiz, Belotti xizmatiga shuningdek, “Roma” va “Vest Xem” klublari ham qiziqish bildirmoqda. Avvalroq, “buqalar” futbolchini 40 million evroga qo'yib yuborishga tayyorligi to'g'risida xabarlar tarqalgandi.