Temur Kapadze: «Belarus ligasi — Yaxshiboev uchun yuqori daraja emas, ammo u oldinga qadam tashlaydi»
/ Kiritdi: BestMaster Ko'rilgan: 1120
O'zbekiston yoshlar terma jamoasi bosh murabbiyi Temur Kapadzening fikricha, Belarus chempionatida ishtirok etayotgan Jasur Yaxshiboev yanada o'sish uchun imkoniyatlarga ega.
Eslatib o'tamiz, Jasur "Energetik-BGU" safida mavsumning dastlabki 3ta o'yinida 3ta gol urdi va bitta golga uzatma berdi.
"Jasur — ijodkor yigit. U hech kim kutmagan qarorlarni qabul qiladi. Shuningdek, yaxshi texnika egasi. Yaxshiboev "Paxtakor" safida ko'zga ko'rina boshlagan edi, ammo murabbiy unga ko'p ishonch bildirmadi. U "Olmaliq"da o'ynab ketishga harakat qildi, ammo omadi chopmadi. Endi esa Belarusda o'zini ko'rsatmoqda. Yanada o'sishga erishish uchun unda imkoniyatlar bor, ammo ko'p narsa uning o'ziga va murabbiyiga bog'liq", — dedi Kapadze.
"Belarus chempionati uning uchun bir sinov. Albatta, Belarus – Jasurbek uchun yuqori daraja emas. Ammo bitta narsani tushinish kerak: o'z Vataningda o'ynay boshqa, xorijda o'ynash butunlay boshqa narsa. Legioner sifatida senga e'tibor yuqori bo'ladi. Sen esa to'la kuch bilan o'ynashing shart. Yaxshiboev Belarus chempionatida oldinga qadam tashlaydi, deb o'ylayman", — o'z so'ziga yakun yasadi Temur Kapadze.
Bosh sahifaga
381