Anchelotti: «Tanaffusdan keyin o'yinchilar 15 kunda formaga kirishi mumkin»

«Everton» bosh murabbiyi Karlo Anchelotti koronavirus bilan bog'liq karantindan so'ng futbolchilar qancha vaqtda optimal formaga kirishi mumkinligini aytib o'tdi.

«Eng muhimi, barcha jamoalar mashg'ulotni bir vaqtda boshlashadi. Bu borada hech kimda ustunlik bo'lmaydi. Biz qancha vaqt dam olishimizning ahamiyati yo'q. Zamonaviy futbolchilar 15 kunda formani tiklab olishlari mumkin.

Bilaman, bu ko'p, ammo o'yinchi deyarli ikki oylik tanaffusdan keyin to'laqonli o'yin o'tkazishi kerak. Albatta, futbolchi darhol 100 foizga tayyor bo'lmaydi, u to'la kuch bilan o'ynab keta olmaydi. Barcha jamoalar jismoniy jihatdan bir xil tayyorgarlikka ega bo'lishadi. Biz o'yinlar orqali formaga kirib boramiz.

Albatta, musobaqalar starti oldidan barchamiz xavfsiz holatda ekanimizga ishonch hosil qilishimiz kerak. Bo'sh tribunalarda o'ynash — eng yaxshi qaror emas, lekin xavfsizlik nuqta nazaridan bunday variantni ko'rib chiqish mumkin», — dedi Anchelotti "L’Equipe" nashriga bergan intervyusida.