Drogba vaktsinani Afrikada sinab ko'rmoqchi bo'lganlarni tanqid qildi
/ Kiritdi: BestMaster Ko'rilgan: 263
«Chelsi» klubi sobiq hujumchisi Dide Drogba koronavirus vaktsinasini Afrikada sinab ko'rishni taklif qilgan frantsiyalik olimlarni tanqid ostiga oldi.
Bunday g'oyani professorlar — Jan-Pol Mira va Kamil Loxt Frantsiya televideniesi orqali aytib o'tishgan edi.
«Bunday fikrlar aytilayotgani aqlga sig'maydigan ish. Afrika — sinov maydonchasi emas. Irqchilikka qaratilgan bunday jirkanch fikrni ilgari surganlarga jiddiy jazo berish kerak. Bizni dengiz cho'chqasi deb hisoblagandan ko'ra Afrikadagi hayotni qutqarishga va ushbu virusning tarqalishini oldini olishga yordam bering. Bu ahmoqlik! Bunday manfur rejani amalga oshishiga to'sqinlik qilish Afrika etakchilari zimmasidagi ish», — deya yozdi Drogba o'zining tvitterdagi sahifasi orqali.
Avvalroq frantsiyalik olimlarning g'oyasini kamerunlik Samuel Eto`O va senegallik Demba Ba tanqid qilgan edi.