Dibala «Yuventus»ga qanday kelib qolganini bilasizmi?

Turinning "Yuventus" klubi hujumchisi Paulo Dibala A Seriyada yuzaga kelgan tanaffusdan unumli foydalangan holda, «Yuventus» klubiga qanday kelib qolgani haqida intervyu berdi.

Paulo "Palermo"dagi 3 yillik faoliyatidan so'ng, "Yuventus" klubi bilan 2015 yili shartnoma imzolagan. U "Palermo" klubiga Argentinaning «Instituto» klubidan 1,5 million evro evaziga ko'chib o'tgandi.

«Qaror qabul qilishdan oldin ikki marta o'yladi. Qaror qabul qilib bo'lganimdan keyin onamni quchoqlab olgandim. Bu xuddi kecha sodir bo'lgandek. Men Palermodagi uyimda o'tirib, paydo bo'lishim mumkin bo'lgan tarkibni o'rganib chiqqandim.

Tushlik qilib bo'lganimdan keyin agentim qo'ng'iroq qildi va tez orada «Yuventus»dan taklif tushishini aytdi. Keyinroq Fabio Paratichi («Yuventus» klubining texnik direktori) qo'ng'iroq qildi va barcha narsani aytib, meni jamoaga taklif qildi», — dedi Dibala.