Italiyalik shifokor: «Afsuski, «Atalanta» – «Valensiya» o'yini biologik bomba bo'ldi»

Italiyaning Bergamo shahridagi shifoxonalarning birida pulmonologiya bo'limi boshlig'i sifatida ishlayotgan Fabiano Di Marko Evropa chempionlar ligasi nimchorak final bosqichida bo'lib o'tgan «Atalanta» - «Valensiya» (4:1) o'yini koronavirusning tarqalishiga jiddiy ta'sir ko'rsatganini aytdi.

«19 fevral kuni Bergamoning 40 ming aholisi «San-Siro»ga kelib, «Atalanta» – «Valensiya» o'yinini tomosha qilishdi. Ular avtobus, mashina va poezdlarda kelib-ketishdi... Bu biologik bomba bo'lgan edi, afsuski», – dedi pulmonolog (nafas yo'llarini davolovchi shifokor).

Hozirda Italiyada koronavirusga chalinganlar soni 60 mingdan oshdi, 5 mingdan ortiq odam vafot etdi. Bemorlarning deyarli yarmi Lombardiya viloyatida ro'yxatdan o'tgan.