“Arsenal”, “Chelsi” va “Liverpul” “PSJ” futbolchisi uchun kurashga kirdi

Angliya Premer Ligasining 3 ta nomdor klubi — “Arsenal”, “Chelsi” va “Liverpul” “PSJ” vingeri Bredli Barkolyani o'z safiga qo'shib olishni istamoqda. Bu haqda TEAMtalk nashri xabar berdi.

Manbaga ko'ra, 23 yoshli futbolchi kelasi yozda frantsuz etakchisini tark etishi mumkin. Ammo “PSJ” mavsum o'rtasida Bredli bilan xayrlashishni rejalashtirmayapti. Shu bilan birga, mavsum oxirida Barkolya bilan yangi shartnoma bo'yicha muzokaralar o'tkazishni rejalashtirgan.

“Arsenal”ga raqib himoyachilarini aldab o'tadigan va hujumning so'nggi nuqtasida kutilmagan harakatlar qiladigan futbolchi kerak. Bredli Barkolya aynan shu talablarga javob beradi. Shu bilan birga, “Liverpul” “Bavariya”ga o'tgan Luis Diasning o'rnini to'liq to'ldira olmadi. Shuningdek, Kodi Gakpo kutilgan darajada o'ynay olmadi. Jamoa aynan shu hududga sifatli futbolchi olib kelishi zarur. Shu bois Barkolya ideal variant sifatida ko'rilmoqda. “Chelsi” ham bir necha hujumchi futbolchiga sarmoya kiritgan bo'lsa-da, ushbu pozitsiyaga to'liq moslashib ketadigan futbolchi topa olmayapti.

Ma'lumot uchun, Barkolya “PSJ” safida 2023 yil yozidan beri o'ynab keladi. Joriy mavsum futbolchi barcha musobaqalarda jami 23 ta uchrashuvda maydonga tushib, 5 ta golva 4 ta golli uzatma muallifiga aylangan. Futbolchining klub bilan shartnomasi 2028 yil yozigacha amal qiladi. Transfermarkt portaliga ko'ra, uning bozor qiymati 70 million evroni tashkil etadi.

Manba: daryo.uz