Vlaxovich Italiyaning boshqa bir grand klubi nishoniga aylandi

"Yuventus" hujumchisi Dushan Vlaxovich klubini o'zgartirishi mumkin. Bu haqda La Sampa xabar berdi.

Manbaga ko'ra, serbiyalik futbolchini "Inter" o'z safiga qo'shib olmoqchi. Milanliklar hujumchining transferini shu yilning yozida, futbolchi erkin agentga aylanganida rasmiylashtirishi mumkin.

Dushan Vlaxovich 2022 yilda "Fiorentina"dan 83 mln evro evaziga "Yuventus"ga o'tgandi. Hujumchi joriy mavsum 17 ta o'yinda maydonga tushib, 6 ta gol urdi va 2 ta golli uzatmani amalga oshirdi.

U jiddiy jarohat sabab mart oyigacha safdan chiqqan.