Gvardiolaning yordamchisi Semenoning debyutiga baho berdi

"Manchester Siti"ga o'tganining ertasi kuni vinger Antuan Semeno "Ekseter Siti"ga qarshi o'yinda gol urdi va golli uzatmani amalga oshirdi.

Yangi futbolchining o'yini haqida Xosep Gvardiolaning yordamchisi Pep Leynders izoh berdi.

"Jamoa bunday o'yin o'tkazsa, alohida futbolchilarga o'zini ko'rsatish osonroq bo'ladi. Biz Semenoni uzoq vaqt kuzatdik - u bizning hujum chizig'imizga kerakli narsani olib keladi. U bosim o'tkazishni yaxshi ko'radi, to'xtamaydi. U bizning uslubimizga tez moslasha oladi, shuning uchun uni jamoada ko'rish yoqimli," - deya Leyndersning so'zlarini keltiradi City Xtra.