"Nottingem Forest" APL grandlari e'tibor markazida bo'lib turgan futbolchisining narxini e'lon qildi

APLning deyarli barcha top-klublari yozda "Nottingem Forest" xavbeki Elliot Andersonni o'z safiga qo'shib olishga harakat qiladi.

Qayd etilishicha, futbolchiga faqat "Arsenal" qiziqish bildirmayapti, chunki ular maydon markazida muammolarga duch kelmayapti. "O'rmonchilar" futbolchiga qimmat narx belgilagan. Klub Anderson uchun taxminan 115 mln evro olmoqchi.

Joriy mavsumda Elliot Anderson "Nottingem Forest" safida 26 ta uchrashuv o'tkazdi. Ularda o'yinchi "gol+pas" tizimi bo'yicha 1+2 ochko to'plagan.